طريقة سحب لنك فيديو او صوت لداخل جهازك من امتداد((Ram-Wmv))المحمي من السرقه او التحمي

عنوان الموضوع كامل لعدم كفاية الحروف لكتابته
طريقة سحب لنك فيديو او صوت لداخل جهازك من امتداد((Ram-Wmv))المحمي من السرقه او التحميل((للي تحداني))بالصوور

<center>
بسم الله الرحمن الرحيم......

في البدايه اعزائي ان اعتذر للأخ عادل(مو انت ياصقر)اللي اتصلي واتحداني على الموضوع هذا وانا مارضيت اعطيه الطريقه بعد ماتحداني وبعد ماعكيت لمعرفة الطريقه بالتفصيل كان مزحي مني فقط وحتى ماادري من هوه والله ولاادري هوه مسجل معانا في المنتدى ولالا

على العموم حبايبي الموضوع يبغله نفس طويل شوي وشوية تشغيل مــــخ فقط........واحب اذكر أخواني بموضوع مشابه له نزلته قبل فتره طويله وهوه يتعلق ويعني اللي يبغى يستفيد
عشان يعرف ايش الفرق بين امتداد((Ram و Rm))وكيفية التعامل معهم.......لأني في الموضوع هذا راح اتعمق جداً في هذي الأشياء

الموضوع والهدف منه: البعض منا في بعض الأحيان يفتح احد المواقع عشان يفترج فيديو او ملف صوتي اللي بالريال بلير او الميديا بلير.....مثلاً كموقع((ام تي في-ميلودي هتس-السي ان ان-الجزيره.......الخ))او اي موقع يحتوي على اصوات او كليبات مثل مواقع الفنانين وهذي الملفات محميه من قبل الشركات من التحميل او التنزيل للجهاز فقط تقدر تتفرج عليها وانت شغال على النت وهذي مشكله وكل مره تبغى تسمع ولاتتفرج على الملف تفتح النت.......اما في موضوعي هنا راح اعطيك الطريقه وبالتفصيل كيف تقدر تكسر خشم هالشركات وتحمله على جهازك ويسير تتفرج عليه من دون انترنت.....والله يعين على الشرح

الخطوه الأولى:
لما تفتح الموقع اللي فيه اللنك المنتهي بمتداد((Ram))تسوي له((Save Target As..))وبالعربي أظن((حفظ الملف باسم...))وتحفظ الملف مثلاً على سطح المكتب.....لاحظ الملف في سطح المكتب حجمه فقط بايتات لاتذكر على جهازك.....تروح الآن لسطح المكتب لمكان ماحفظت الملف فيه وتضغط بالزر اليمين على الملف وتفتحه بـ((Open With..)) اي ((فتح بواسطه..)) وتفتحه باي برنامج محرر نصوص مثلاً Notepad راح يطلع لك لنك آخر لكن مختلف الأمتداد وغالباً مايكون منتهي امتداده بهذا الأمتداد((smi))وأظنها تقنيه SMIL واللي ايضاً تشتغل بالريال بلير......اللي فهمناها هنا ان الملف اللي انت حفظته في جهازك بامتداد((Ram)) مجرد حلقة وصل لتشغيل اللنك اللي فتحناه بالـNotepad ولقيناه منتهي الأمتداد بهذا((Smi)) ويتشغل أيضاً هذه الملفات بالريال بليرتجربه للخطوه الأولى.....هذا لنك فيديو كليب أغنية Still Dre http://boss.streamos.com/real/inters...o/stilldre.ram
وطبق الخطوه الأولى بالحرف وشوف راح يطلع معك اللنك التالي:
http://boss.streamos.com/real/inters...o/stilldre.smi

الخطوه الثانيه:
مشابه للأولى لكن الفرق انه كيفية سحب هذا اللنك لجهازك وانا راح اعطيك طريقه لسحب اللنك على جهازك((مع ان الطرق كثيره)) اوكيه......الآن اللنك معانا اللي هوه هذا((http://boss.streamos.com/real/inters...o/stilldre.smi)) والمنتهي بالأمتداد((smi)) طريقتي عزيزي هيا باستخدام برنامج الـ Download Acceletor واللي يستخدم لتحميل البرامج ((مسوي ذكي)) المهم افتح البرنامج راح تطلعك واجهة البرنامج الصوره التاليه:


1-وأضغط على Add Url يعني اضف لنك((من اجل تحميله))
2-وهنا انسخ اللنك والصقه هنا وسوي اوكي


الان......وبيتحمل معك الملف(الsmi)للمكان اللي انت محدده من برنامج الـ Download Acceletor.....لنقل انه في سطح المكتب ، الحين روح لسطح المكتب وبتلاقي الملف موجود هنا وتفتحه بـ((Open With..)) اي ((فتح بواسطه..)) وتفتحه باي برنامج محرر نصوص مثلاً Notepad راح يطلع لك((الكود الأصلي لتشغيل الملف المرئي او الصوتي))واللي راح يطلع لك في مثالنا هذا كالتالي:

src="rtsp://grmod10.streamos.com/rm10/b0/66/b066d1 b5bfc36809c7e7387911be8111.rm"

الحين انت وصلت للكود اللي عليه الشغل واللي راح راح تستخرج منه اللنك الأصلي اللي منه يمكن تحميل الفيديو كليب......المهم شوف الكود وركز فيه كويس بتلاحظ مكتوب حقوق محفوظه وخاربيط-سبحان الله بعد اللفه الطويله هذي قلك حقوق محفوظه-انت ماعليك من المكتوب كله وركز وين المصدر اوالـ((src))بتلاقي الكود اللي انا حاطها باللون الأحمر واللي هوه هذا((rtsp://grmod10.streamos.com/rm10/b0/66/b066d1 b5bfc36809c7e7387911be8111.rm))الأن انت وصلت وخلاص اخذت اللنك المطلوب

لكن تبقى مشكلة اكيد لاحظتوها؟؟واللي هيه بداية اللنك بـ((rtsp))بدل من المعتاد ((http)) وهذا هوه الغريب فعلاً لأنك ماتقدر تحمله ابداً كذا ولايتقبله المتصفح واللي هم يعتبروها حماية وسط حماية وسط حماية......المهم الحين اللنك معك والطريقة لتحميل هذه الملفات المبتدأه بـ((rtsp))تعتمد على برنامج سوف اشرح لكم كيفية استخدامه
في الخطوه الثالثه وراح افهمكم اذا كمان لقيتوا ملفات تبدأ بـ((mms://))بدل من((http://)) البرنامج ايضاً يتكفل بهم....

الخطوه الثالثه:
حمل هذا البرنامج من
اسم البرنامج Net Transport v1.24.....ومهمته يسمح لك بتنزيل اللينكات التي تبدأ بـ((HTTPS -MMS - Microsoft Media Services- RTSP - HTTP - FTP))......حجم البرنامج 1.26 ميغا....برنامج جيد جداً وليس ذو حجم كبير......المهم بعد تنزيلك للبرنامج على جهازك وتنصيبه((install)).....تجيك واجهة البرنامج واللي هيا هذي شرح بعض مميزاته قبل البدأ في كيفية استخدامه للتحميل:

1-New هذي تضغط عليها بعد نسخك للنك المراد تحميله لكي تبدأ بالتحميل......ويسلتقط البرنامج اللنك الذي نسخته تلقائياً
2-هذا المكان بالنسبة لك في البداية سيكون فارغ لأن هذا المكان الذي تتواجد في الملفات اللي حملتها واللي قاعد تحملها بحجمهاا والوقت المتبقي والنسبة المئوية للتحميل وسرعة النت...إلخ......وتلاحظوا ان الصوره هذي من جهازي يعني شايفين اني حملت فيديو كلبيات كثيره....وعلامة الصح الخضراء معناها انه تم التحميل بنجاح

الآن راح اعطيكم طريقة التحميل بشكل سهل جداً لأن البرنامج سهل جداً ولايحتاج الا للصق فقط......وراح نكمل الشرح على مثالنا في الشرح واللنك اللي توصلنا له واللي هو هذا((rtsp://grmod10.streamos.com/rm10/b0/66/b066d1 b5bfc36809c7e7387911be8111.rm))......الآن سوي له نسخ وافتح البرنامج وأضغط على New اللي في الصوره السابقه راح تلاحظ ان البرنامج التقط تلقائياً اللنك بعد النسخ كما في الصوره التاليه:

1- URL....زي ماسبقت وكررت هنا اللنك اللي انت نسخته تلاقيه على طول ملصق هناك.....واذا عندك اي لنك آخر حطه هنا وبس.....بالعربي هذا مكان اللنك.
2-Directory....المكان اللي ترغب انك تحفظ الملف فيه.....وافتراضياً يكون في السي ((قرص السي)).
3-Start instantly....ومعناه((البدء فوراً)) وهذا اذا اردت ان تبدأ في التحميل فوراً اشر على صح......وراح تلاقيه مأشر صح مسبقاً لأنه هذا هو المبتغى
4-خلاااص كذا انت سوي اوكيه بعد التأكد من الثلاث الخطوات السابقه لأنها الأهم فقط.......OK

الآن سبيدأ التحميل وحجم البرنامج سيظهر لك بالبايت....وانا الاحظ ان البرنامج يسرع التحميل اكثر من المعتاد والله اعلم.......على العموم احجام هذي الفيديو كلبيات ليست بالكبيره مقارنه بالفيديو كلبيات من الأنواع المختلفه((عشان الدقة))........الآن بعد تحميل الملف تقدر تشغله من مكان ماحفظته بدووووون انترنت

وفي النهاية اخواني........اتمنى انكم استفدواا من الشرح المتواضع وتكون ووصلت لكم الفكره بالطريقه الصحيحه وكل اللي اطلبه منكم هوا الدعااء الصالح لي فقط